SBI ATM KARDKÍDÍ:DÉ ADJO:KOMÍLOI YOGYÉBONG
Adjo:komíloi alag alaglo bomnam ATM kardkídí:dém yoppagpa:yékubong.Kapila:né édé ATM kardkídí:dokké oko agerésin kakuma:pé iyé.
Sé agomsém State Bank Of India lok Abu ru:tum Rajnesh Kumarbí ngolum kinmodung.
Appíngké tadgésunam State Bank Of India Bank dé 18 month lédupé Plastik ki monam ATM kard kídí:dém la:pakkunam agerém geramna mé:tu:bong.
ATM kard kídí:dé kapila yogyékun émyémílo ngolu kinna:dung Digital "YONO" systempé mokunam tarungém la:dung.
SBI ru:tum Abu Rajnesh Kumarbí kinmokampé Bharot mo:rumso 90 kuti:ko ATM kard use né taniyé kadung.
Su:pak taniyé aipé mé:dírdung ATM kama:mílo Bank lo kapé murkongém la:len-yékun? 2/3 Ghontako dagjunsula lépum beddopédan lainém pa:tipa:yékun?
Émpige:la mé:dírpénamdé okkosin kamang . Su:pag déryango:pé easy yépag. Nolu ngoluk account do ménam murko:démsin amme dopso:la la:yugla:ma:yé, bojérungko aiyango:yé émna kinna:dung.
Su:pag "YONO" émnam Systemko 2019 Dítag lok Mars Po:lo ara:lo la:lentak. 68 thousandko YONO sentarém la:lentagbong émna kinna:dung. Édé YONO System dokki ngolu mobaillo Apps dém download ge:la:sin kard kamanggom aiké account lok murkongém la:lenla:yé.
Su:pag first stepdo 16500 ATM sentarlo YONO system dém ilígtagbong émna:sin réngamém kinmodung.
Odokké a:péné 18 month ara:so 10 la:k ko ATM sentarlo YONO systemém mélígyé émna takamém kinmodung.