গোগামুখত আৰক্ষীৰ বিশেষ অভিযানত অস্ত্ৰ উদ্ধাৰ, দুজন গ্ৰেপ্তাৰ

📰 গোগামুখত আৰক্ষীৰ বিশেষ অভিযানত অস্ত্ৰ উদ্ধাৰ, দুজন গ্ৰেপ্তাৰ

গোগামুখ, ১০ ছেপ্টেম্বৰ:
গোগামুখ আৰক্ষীয়ে বুধবাৰে নিশা গোপন সূত্ৰৰ ভিত্তিত সফল অভিযান চলাই দুজন সন্দেহযুক্ত ব্যক্তিক গ্ৰেপ্তাৰ কৰিবলৈ সক্ষম হয়। গোগামুখ থানাৰ ভাৰপ্ৰাপ্ত আৰক্ষী বিষয়া প্ৰনৱ দলেৰ নেতৃত্বত এই অভিযান চলোৱা হয়।

অভিযানকাৰী দলটোৱে গোগামুখ নাহৰবাৰী তিনিআলিস্হিত "ৰুদ্ৰানী হোটেল"ত অভিযান চলাই দুজনক আটক কৰে। আটকৃত দুজনৰ পৰা এটা লাইভ পিষ্টল, এটা এয়াৰ গান আৰু এখন মটৰ চাইকেল উদ্ধাৰ কৰিবলৈ সক্ষম হয়।

গ্ৰেপ্তাৰ দুজন ব্যক্তিৰ পৰিচয়—

• কানু পেগু, ঢকুৱাখানাৰ উজনি ধদাবাৰী গাঁও।

• গগন পেগু, নামনি ধদাবাৰী গাঁও।

পুলিশৰ সূত্ৰে জনোৱা মতে, আটকৃত দুজন সন্দেহজনক ভাৱে অস্ত্ৰসহ হোটেলত উপস্থিত আছিল। স্থানীয় সূত্রে সন্দেহ কৰা হৈছে যে, তেওঁলোকে কোনো গুপ্ত ষড়যন্ত্ৰত জড়িত থাকিব পাৰে। উদ্ধাৰ হোৱা অস্ত্ৰসমূহ কিমান দিন ধৰি আৰু ক’ত ব্যৱহাৰ কৰা হৈছিল, সেই বিষয়ে এতিয়াও নিশ্চিত হোৱা নাই।

এই ঘটনা সম্পৰ্কে গোগামুখ আৰক্ষীয়ে ইতিমধ্যে আইন অনুযায়ী ব্যৱস্থা গ্ৰহণ কৰাৰ লগতে গভীৰ তদন্ত আৰম্ভ কৰিছে। তদন্তৰ জৰিয়তে অস্ত্ৰ ক’ত পৰা আহিছিল আৰু ইয়াৰ সৈতে জড়িত অন্য কোনো ব্যক্তি আছে নে নাই সেয়াও খতিয়ান কৰা হ’ব বুলি আৰক্ষীয়ে জানিবলৈ দিয়ে।

🔴 এই ঘটনাই অঞ্চলটোৰ সাধাৰণ জনতাৰ মাজত এক আতংকজনক পৰিস্থিতি সৃষ্টি  কৰাৰ লগতে নিৰাপত্তা ব্যৱস্থাৰ ক্ষেত্ৰত চিন্তাৰ সৃষ্টি কৰিছে। স্থানীয় বাসিন্দাই আৰক্ষীৰ পৰা অধিক কঠোৰ তৎপৰতা আৰু নিয়মিত টহলদাৰীৰ দাবি উত্থাপন কৰিছে।