GUGAMUKH TABU TAÍD LOTTALO AGOM MIGANG ABUKÉ SIMANGÉM YUTO
Su:pak Dhemaji Gugamukh Tabu Taíd Lottalokké Horen Koptak ké binam Lutatko ka:po:i----Silo rokom 8.30 adídokké Guwahati amo:lokké Pobonsongkho émnam do:mír talé:tok dé:né motorki Agom Migang Taburam Taíd ké simangém oténg do:lung Ghunasuti:pé okom migomé longé 11.00 adído dé:bombilangkula takam réngamém mé:pa kumtomém imoka.
Odokké Ghunasuti lokké 12.30 adído Gugamukh amo:pé dé:pí:langkula Mohorikemlokké TMPK Volunteers éla: Tabu Taíd mé mé:boné takam réngamé dugné motorki yambomnangkula Gugamukh Abutani Lottalo Kétog 3.00 adído:pé réngamém Mé:pa Kumtomém imoka.
Odokké kétog 3.45 adíkíramdo Agom Migang abuké simangém Mising ili: ikamki Abutani Lottalok du:né TMPK Ki:ni Ager ukum ru:yi:lo yupakto.
Odokké bíg yuko mo:tagdém abutani:dokké "TABU TAÍD LOTTA" ohomiya:pé Tabu Taid Homadhi Khetro" émna aminém minníkto.
Silok longédo Ru:mi Ronjit Das, Dhemaji MLA Ronuj Pe:gu, Jonai MLA Bhubon Pe:gu, MAC lok ru:tum Abu Promanondo Sayengiya, Dhemaji D. C. Odokké takam Mising Kébang ké:lu:lok bottén amikídarésin gíge:la Agom Migangké sima:dém aikampopé yuboto.