DHEMAJI TMPK MONGKE: KÉBANG ÉLA: 2019 KANGKIN KÉBANG ANU MIBANG BA:LEN
é gené bírdugé,
sé Kangkin kébang adíé,
Dhemaji amo:lo:sin School Collage lo porila du:né Ko: ko:néngé Kangkin Kébang légangé moru:sunamém ka:pa:dung.
Dhemaji Mongke: Kébang TMPK élang 2019 Kangkin Kébang Moírné Mibangém Dhemaji Kari:suk Murong Ukum lottalo mongke: Kébang igurki TMPK Ki:ni kéba:lok midumé du:té:mínna Dhemaji TMPK Town Committee Aku Kébangém Ba:pen-ge:la Anu Kébangém ba:lentoku.
Édé kéba:do Mg. Durno Jime: mé Kébang Abu, odokké Mg. Rahul Noromé kéba: nébí:pé tolígla 25 ko ager ajoném la:lígla Town Committee TMPK Anu kéba:dém tagnyi dítag léga:pé ba:lentoku.
Édé kébangí:do Benimadhob Dole: méla: Subhokanto Missong mé Kébang Abu nébí:pé tolígla 36 kopé ager ajoném la:té:la 2019 DHEMAJI KANGKIN KÉBANG Anu kébangémsin ba:lentoku.
Édé kéba:do TMPK Ki:ni Kéba:lok abu oi Mg. Sumeswor Koptak, Nébíng ame: Mg. Tuniram Panggíng, Mg. Shan Panggíng, Mo:dum kéba:lok TMPK Abu Hori Sondro Kaman, MMK lok Nébíng Mg. Deboram Taye bulu TMPK lok me:lam lambélo réngam agerém kapé TMPK é gérpénamméji odokké Kangkin Kéba:lok me:lam lambélo kapiné ager-tarungém la:la dakor korpénamméji odok Geyom geyomné agomém lubika.
