Dusyonto Noroké Léppi: lennam potinko Guwahati amo:lo tamsarka. Mé:tom potin kísapé Mg. Noroké sé lenpongarné mé:tom potiné. Édé potindém tamsarka airu:pé amin gíné Adné Mg. Deben Tamuli:bí.
Potin tamsar kéba:do Mising Agom Kéba:lok po:péké Kéba: nébíng Mg. Horendronath Dole:, Mitom éla: adné Mg. Trolukyo Perme, Rediolok ni:tom tomné mo:pun Mg. Oboni Mili, Mm. Sikha Bezboruah Goswami, Amar Asom lutaddok Purbasol émnam lusar potindok nébíng Mg. Robin Bhunyabulusin du:té:la potin tamsar kéba:dém aikampopé írga:moto.
Potin tamsarné Mg. Deben Tamuli: bí umí dorla du:né su:pakké adísok aipakpé adlennam mé:tom potinsé lenpongarné potinko émna:sin luyitsuto.