HORIYONI LOTTALO LO:NYIKOPÉ MISING ARTIST ASSOCIATION(MAA)LOK AKONÉ MIRUM KÉBANG.
Gíné Abu longé dokké lo:nyikopé Ghilamora Horiyonilok United Tribal Degree College lottalo í:r-pongkírpé ni:tom-paksong ope: Mising Artist Association (MAA)lok akoné Mirum Kébangém bangka.Édé kéba:do takam Mising mo:puné gíkumsula Horiyoni mo:tagém ni:tom-paksongki Pédong bírdug adíso:sin mé:dírla du:né asina:ngém mé:pomoto.
Ager tarung dungkampé Abu longédo yumdéng ayirdokké Milíg amin jíggab éla: yumé 9/10 adído:pé ba:pongarnam Milíg Kébangém ba:to.
Ru:tum longédok ager tarung dungkampé rokom ayirdo Lé:tom tíksar, Lo:yid Mo:bolo mé:pa kumtom ingabge:la "Mising ni:tom tomné mo:pun éla: Yaru: moné mo:puné Kriket ke:lém kelika.
Édé Kriket ke:ldo ni:tom tomné mo:punkídaré yaru: moné mo:pun kídarém nurtapto émna kinna: dung.
Odokké longé 11 adídokké MAA lok Ba:sar Kébangém Ba:ropka.