DHEMAJILO MICRO FINANCE BANKLOK LU:N LA:NÉ AJÉNG JÉ:NAM
Dhemaji amo:lo Língko íying(1000) ko bojéya:pé né:ng taniyé lékkopé ajéng jé:la Dhemaji mo:tagém jinkulubmoto!
Micro Finance Banklok ager gerla du:né amikídaré bulukkodok da:r kodokuém atí atípé lula asin-a:ngém mogid-momadla du:namkokki odokké murkong dorradlangkuma:la Dhemaji mo:dum ara:lo su:paglo:pé Kíníd(7)kopé opanné né:ng taniyé sidu:bong émna Mising Lutadlo kinmodung.
Silo Dhemaji né:ng taniyé Dhemaji Stadiumlokké yadlenna Dhemaji Courtfield amo:lo yatkumsula buluk la:nam murkongkídí:dém mépagbipa:yé odokké kapésin né:ng tani:kídarém mogid-momadla(Mentally trouser) ila:ma:yé émna ajéng jéngge:la Dhemaji D.C. lo Do:rí Do:jíg(Memorandum)ém biangka.
Édé ajéng jé:nam kéba:do Ki:ni miba:lok AASU lok Abu Oi Mg. Sittoronjon Bosumotari bí:sin du:té:la Kapésin né:ng taniyém mogid-momadnam agerém gerla:ma:yé odokké murkong la:latkunamdém mépagpa:yé émna luto. Ékíma:mílo AASU é Kínggí: tarí:né mimag ajéngém dagrobyé émna togésuto.