SILOKOKKÉ LO:PI:KOPÉ MAJULI:LO KÍNÍDNÉ MISING SÍ:SANG GÍ:DÍSÍPÍ
ilokokké lo:pi:kopé ager-tarungki Majuli amo:lok Sí:mírgora:lo í:r-pongkírpé Kínídné Mising Sí:sang Gí:dísípí inamém ka:pa:dung.
Rokom adído lé:tom tíksar, mé:pa: kumtom odokké Atí atí kosaglo Dírbí bírka:mínsunam ager-tarungki Sí:mírgora Majuli:lok Sí:sang Gí:dísípídém airu:pé í:r-pongkírpé moírdung.
Adongé do:mumdaggomsin Dírbí mé:boné takam Misingé Sodiya:lokké Buruli: lopé taniyé gíla gíkemsukko kama:pé idung Kumarbari lottalo.
Sí:sang ope:lok mé:lam lamtélo Mising Agom-gomlab, Dírbí-dírlabdém unmonam légangé moírnam Sí:sang gí:sípí ager tarungdo ai ainé Lugénglo Lupo-lujar Lunam tarungémsin la:tung.
Ager tarung dungkampé itup longkí:do Mising lok tadgénam mo:pun Mm. Torulota Kutum, mé luté:la Tadgénam Hindi mo:pun Mm. Usa Monggiskar, odokké ohom mimong sok bojérungko mo:puné gíyé émna kinmodung.
Mising Dírbí dírlapsém ka:lí:la Northeast sok bojérungko Minomésin gíyé émna ngoluk Mising Lutadém Kinmodung.