এক দীঘলীয়া প্ৰক্ৰিয়াৰ মাজেৰে লাইকাৰ ১৬০ পৰিয়ালে তিনিচুকীয়াৰ নামফাইৰ তাপুত
স্থায়ী বসতি পাবলৈ সক্ষম হ’ল ৷
উল্লেখযোগ্য যে ১৯৯৯ চনতে চৰকাৰে ডিব্ৰু - ছৈখোৱাক ৰাষ্ট্ৰীয় অভয়াৰণ্য হিচাপে
ঘোষণা কৰাৰ পিছৰে পৰা কাষৰীয়া লাইকা - দধিয়াৰ বনগাঁও বাসীক অন্য ঠাইত পুনৰ
সংস্থাপনৰ সিদ্ধান্ত গ্ৰহণ কৰিছিল ৷ সেইমতে বহু আবেদন - নিবেদন আৰু আন্দোলনৰ
ফলত তিনিচুকীয়া আৰু লক্ষ্মীমপুৰ জিলাত পুনৰ সংস্থাপনৰ আশ্বাস দিছিল ৷ তাৰে লাইকা
বনগাঁওৰ ১৬০ টা পৰিয়ালে জাগুনৰ টিংকুপানীত ১১ মাহে ট্ৰিপালৰ চালিৰ তলত এক
দুৰ্বিষহ জীৱন অতিবাহিত কৰি আছিল ৷
সুখবৰটো আছিল লাইকাৰ ১৬০ টা পৰিয়ালক চৰকাৰে তিনিচুকীয়াৰ নামফাইৰ টাপু
বনাঞ্চলত সংস্থাপনৰ ব্যৱস্থা কৰিছিল ৷ যদিও স্থানীয় অৰুনোদয় সোণোৱাল গাৱঁৰ
সোণোৱাল আৰু আহোম ৰাইজৰ বাদা ও প্ৰতিবাদত বুধবাৰে এক উত্তপ্ত পৰিস্থিতিৰ সৃষ্টি
হৈছিল ৷ ফলত দুৰ্ভগীয়া লাইকাৰ ১৬০ পৰিয়ালে পুনৰ অস্থায়ী শিবিৰলৈ উভতি
আহিবলগীয়া হয় ৷ যদিও বৃহস্পতি বাৰে 'নামফাই টাপু' নামৰ ঠাইতে লাইকা ১৬০টা
পৰিয়ালক পুনৰ সংস্থাপন কৰিছে জিলা প্ৰশাসনে। এতিয়াৰে পৰা লাইকাবাসীৰ স্থায়ী
ঠিকনা হ'ল । নামফাই তাপু ৷ এই সুযোগতে লাইকাবাসী ৰাইজে তিনিচুকীয়া জিলা প্ৰশাসন
আৰু অসম চৰকাৰক ধন্যবাদ জ্ঞাপন কৰিছে ৷