Agom Migang Taburam Taíd abumé mé:pa:la O:l Okom bitti:pé Mising Lutad opeyé Mising Mé:tom atka:mínsunam ager tarungko langka.
Édé mé:tom atka:mínsunam do Po:sum Taburam Taíd abumé lugé:la aíké mé:lensula adnam mé:tomo:m Lutad opeyé tíkumsuka.
Mé:tom atka:mínsunam agerdo bojérungko Mising Mitomé aí aíké adnam Mé:tomém Mising Lutad Whatsapp Sargom Nomborlo bia:taggai.
Édé ara:dok Ngoluk ménggésunam Mising Agom-Gomlab,Gomsar, Mé:tom adjong-adlagné Expert kokki aumkopé aman pa:né Mitomém balento.
Édébulu sémpé---
"Régi: Régamlo:pé Píngkuma:dapé" émnam Mé:tomdokki Akoné amandém pa:tung Mg. Gulap Bori:, Bík do:lung-- Amguri Bali: Bogi:bil.
"Agom Miganga No" émnam mé:tomdokki Annyiné amandém pa:tung Mg. Debanondo Pe:gu(Ga:m)
Du:téng Gugamukh Dhemaji.
"Nok Ayang" émnam Mé:tomdokki Aumné amandém pa:tung Mg. Krishna jyoti Pe:gu. Bík du:téng Guwahati Cotton University,
Léddarpé ngolum sé Mé:tom aman pa:ném balenbiné Mé:jubné Abu midumkídarlo:pésin Ngoluk Mising Lutad ope:lokké Asin Aséngém asé:lígdung.
Odokké aman pa:né takamém Mising Lutad Studiolo a:péné 05 Septembor 2019 longkído amaném gélígyé émna:sin lupa:dung.