যোৱা ২৮ ফেব্ৰুৱাৰীত গহপুৰৰ ১নং চকলাত ৯ টাকৈ নৰপিশাচে এগৰাকী ১১ বছৰীয়া নাবালিকাক দলবদ্ধ ভাবে ধৰ্ষণ কৰাৰ লগতে হত্যা কৰি গছত ওলমাই থোৱা ঘটনাই জোকাৰি গৈছিল সমগ্ৰ গহপুৰ মহকুমা।
দলবদ্ধ ভাবে ধৰ্ষণ আৰু হত্যা কৰি গছত ওলমাই থোৱা ৯ টাকৈ নৰপিষাচে আইনৰ সুৰুঙা লৈ এমাহ নহওতেই কেনেকৈ মুকলি আকাশ তললৈ আহিল ইয়াকে লৈ গহপুৰত বিভিন্ন দল-সংগঠনে তীব্ৰ প্ৰতিবাদ সাব্যস্ত কৰে।
প্ৰতিবাদী সকলে ফ্ৰাচট্ৰেক আদালতৰ জৰিয়তে দোষীক শাস্তি প্ৰদান কৰিব লাগে বুলি প্ৰশাসনৰ ওচৰত দাবী জনোৱাত জানমনি কুটুমৰ কেচটো পুনৰ ব্যৱস্থা গ্ৰহণ কৰে আৰক্ষী প্ৰশাসনে।
৯টাকৈ হত্যাকাৰীৰ চাৰিজন পলাতক অৱস্থাত আছে। জানমনি কুটুমৰ ধৰ্ষণ আৰু হত্যাৰ প্ৰতিবাদত আজি গহপুৰত এক সজাগতা সভা অনুষ্ঠিত কৰা হয়। উক্ত সভাত লাচিত সেনাৰ সভাপতি শৃংখল চলিহা উপস্থিত হৈ গহপুৰ আৰক্ষী প্ৰশাসন আৰু সৰ্বানন্দ সোণোৱাল চৰকাৰ খনক তীব্ৰ ভাষাৰে গৰিহণা দি জানমনি কুটুমৰ পৰিয়ালক ন্যায় প্ৰদান কৰাৰ লগতে ক্ষতি পূৰণ দিয়া দাবী তোলে শৃংখল চলিহাই।
গহপুৰৰ পৰা মহেন্দ্ৰ পগাগ।