চালেকাটিত শিক্ষা, শিশু শ্ৰমিক আৰু বাল্য বিবাহৰ ওপৰত সজাগতা সভাৰ আয়োজন।

 চালেকাটিত শিক্ষা, শিশু শ্ৰমিক আৰু বাল্য বিবাহৰ ওপৰত সজাগতা সভাৰ আয়োজন। 

 অখিল হিন্দীভাষী বিকাশ পৰিষদৰ চালেকাটি আঞ্চলিক সমিতিৰ উদ্যোগত অহা ৩০ মে’ তাৰিখে চালেকাটি বাবা ৰাম দেও হিন্দী এম ই স্কুলত শিক্ষা, বাল্য বিবাহ আৰু শিশু শ্ৰমিকৰ ওপৰত এখন সজাগতা সভাৰ আয়োজন কৰিছে৷ কোকৰাঝাৰ জিলাৰ চালেকাটি আৰক্ষী চকীৰ ভাৰপ্ৰাপ্ত আৰক্ষী বিষয়া ফিৰদৌছ আহমেদৰ সহযোগত আয়োজন কৰা হৈছে এই সজাগতা সভা৷সংগঠনটোৰ নেতৃত্বই প্ৰকাশ কৰা মতে ৩০ মে’ তাৰিখে দহ বজাত অনুষ্ঠিত হ’ব এই সজাগতা সভা৷পৰৱৰ্তী সময়ত চালেকাটি আৰক্ষী চকীৰ অধীনত থকা প্ৰতিটো বিদ্যালয়, মহাবিদ্যালয় আদিত এই সজাগতা সভাৰ কাৰ্যসূচী ৰূপায়ণ কৰিবলৈ সংগঠনটোৱে এক দীঘলীয়া কাৰ্যক্ৰমণিকা যুগুতাই উলিয়াইছে বুলি সংগঠনৰ নেতৃবৃন্দই প্ৰকাশ কৰিছে৷

বঙাইগাঁও ৰ পৰা ষ্টাফ ৰিপৰ্টাৰ প্ৰফুল্ল কুমাৰ দাস।