TMPK/MMK/TMMK LOK DAGGURKI 21 JULAI 2019 LONGKÍDO SUBONSIRI DAKTOK MO:TAGLOK PU:MI ÉLA: RAGO BANNAM MO:TAG KÍDÍ:DÉM KANGGONGKA.
NHPC lok ríkkong atakpé du:né Pu:mi asi moyudnam Odokké rago ko:nam ngasoddok légangé TMPK/MMK/TMMK Éla: Lutad langkumsuné (Hangbadik) ope:ko lékola 21st Julai 2019 longédo rokom 8.00 adídokké Saulduwa Ghatlokké mesin Ollung akolokké ko:bomna NHPC sokké kapi kapiné ngasodé a:du:n édém kapin agerki motumla:yén édém porjobekon ige:la Portibedon prostutnam légangé Saulduwa ghadlok subonsiri Légo kémíklokké Bihpuriya Duna:guri:lopé jorip ika émna kinna:dung.Édé agerdo TMPK Ki:ni Kéba:lok Abu Raj Kr. Mo:rang, Abu oi- Sumeswor Koptak, Khirud Pe:gu,Kéba: nébíng Podmo luson Dole: MMK lok Biju Pe:gu, Premodhor Dole:, TMMK lok Nébíng Bonti bala Pe:gu, Ané oi- Indira Sinte: TMPK lok nébíng ame: Tuniram Panggíng Jonai Okhomiya Protidinlok Lutad adné (Hangbadik) Royal Pe:gu,Kumud Boruah, Doinik Jonombhumilok-- Dipen Borah, Niyomiya Bartalok- Rajib Boruah, Mising Lutadlok-- Pulin Pe:gu bulum luté:la Yí:nyi (20) kopé milígé lékko:pé Subonsiri Légo kémíklokké ollungém ko:bomna rago bannam Pu:mi asi moyudnam mo:tag kídí:dém kanggongka,
Odokké lomdanna bulu Portibedon Prostutge:la Lutad Lusarlo lenmoge:la:sin migom ara:lo Do:jíg jíga:nam ager tarungém langka.