"E:gé Porog murko:dém
Aram bati: Rénayé
Írang mé:bol la:mílo
Angusula donayé
No:lai ngo aína" émna mé:bomsula o:nam Ma:moké E:gdé su:pak lupí:la:ma:nam kinamé a:la sipu: puru:la sidung.
Uttor Dhemaji mo:taglok Raisapiri Dolopa, Boloma, Tongonapora do:lu:lo Longngém longngém Dorngo, Dorkéng, íying kopé dorta dortané e:gé sidung.
Sainangolo Koruna émnam bairasdé takam mo:píngém mosomodung!
E:g singasuma:pé sinamdém takamé pésola yungasuma:pé yupaktíla dung.
Émpige:la e:g kídí:dé oko kinamki sidu:song édém Simín kosaglok ékér ka:né daktor amiésin lula:ma:pé idung émna kinna:dung.
E:g singasuma:pé sinamdém takam tanié pésodung émna:sin Mising Lutadém kinmodung.
Ngoluk Mising Lutad ope:lokkésin takam Mising Réngamém Kumpangko siné e:g manggom bemari:né e:gém doyoka émna kumpa:dung.