SISI TONGANI KI:NI ALI-A:YE LI:LEN-2020
Yi:nyila:ke February dokké Yi:nyi la: pi:nyi February 2020 do:pé loumko ager tarung la:la Bangidiya do:lung Ríkkong Sisi Tongani:lo Po:sum Hironyo Pe:gu Odokké Po:sum Ghonokanto Daw ké mé:pa: lottalo Bomjé Sisi Tongani Ki:ni Ali-A:ye Li:leném í:r-pongkírpé moírto. Édé Li:len ager-taru:do Gumrag, Lotta So:man, éla: atí atí Dírbí bírka:mínsunam ager tarungém gerka.Lo:nyi longédo bottépé ésar sarra mogid-momaddaggomsin Dírbí yumdéng yumédo adongé(Whether) ailangkula aikampopé dírbí ager tarungém gerretto.
Tadgésunam mo:pun Ridip Regon, Juboraj Dole:, Tongki Pe:gu, Nobo Kisur Taw, Nitumoni Pe:gu,Durlobi Dole:,odokké Junmoni Pe:gu odokkésin kérang-kétaglok bojérungko ni:tom tomné mo:puném goglígla Li:len yumédo ni:tom-paksongki bomjé Sisi Tongani mo:tagém do:mír ésarpé sarmoto.
Moírné ope:lok bojéyang Taniyésin Dírbí yumdéng agerdém mépagmodanma:pé Time Limitko bige:la imonamdém tolígmílo "Tabídé:sin Siyé Banggén dé:sin Dírma:yé" émna ludung.
Ake akke Dírbí yumélo ima:pé Dírbí longélo inam agomkosin luto. Édémsin takamé méngka:l ka:pénamko.
Odokké Selloya, Lereli, Kaban, Ko: ni:nam, leke ni:tom paksong léga:pé Dírbí Kébangé Bangke: bangke:lo Dírbí Geryir(workshop) ko ipé lagidak émna:sin lupa:dung.