Dhemaji LAIPULIA:LO ADI-MISING LÉKOLA ALI:-A:YÉ LI:LEN2020
Dhemaji Laipulia lottalo lo:nyi ager tarungki Adi-Misingé lékola Ali-A:ye-Li:leném í:r-pongkírpé moírto.Odo bojérungko Adi dírbí opeyéla: do:lu: do:lu:lok Mising dírbí bírka:mínsuné dírbí opeyé gíla gumrag, Lotta so:man atí atí ni:tom-maksong songkí: so:yar agerém gerka.
Ba:sar kéba:do Galo: Mising Co-ordination Committee lok ki:ni miba:lom Abu Mg.Kennyom Da:bi, Ager ajon Mg. Nilomoni Dole:, odokké Advocate Mg. Sunadhor Mili: bulu du:téla Adi-Misinglok agom-gomlab, Dírbí-dírlab abutani:ké agomém lubika.
Dírbí Yumdéngdo Misinglok tadgésunam Mo:pun Mg. Sorbeswor Kardongbí tatpo tatponé ni:tomém tombila ka:né tadné réngamém asina:ngém mé:poto.