বঙাইগাঁও জিলাৰ উত্তৰ অভয়াপুৰী সমষ্টিতৰ মাদ্ৰাছাত এক প্রেমজনীন ঘটনাত গা ধোৱা কোঠাত ছাত্ৰ এজনে চিপ লৈ আত্মহত্যা ।
নামনি অসমৰ বঙাইগাঁও জিলাৰ উত্তৰ অভয়াপুৰী সমষ্টিতৰ কোকিলা আৰক্ষী নিৰীক্ষণ চকীৰ অন্তৰ্গত নাম্বাৰপাৰা দাৰুল উলম আফাকুল ইছলাম মাদ্ৰাছাত এক প্রেমজনীন ঘটনাত গা ধোৱা কোঠাত ছাত্ৰ এজনে চিপ লৈ আত্মহত্যা কৰা বিষয়টোয়ে তীব্ৰ ৰহস্য আৰু প্ৰতিক্ৰিয়াৰ সৃষ্টি কৰিছে ।প্ৰাপ্ত ঘটনাৰ বিবৰণিত প্ৰকাশ যে সমষ্টিটোৰ নোৱাগাওঁৰ হায়েত আলী পুত্ৰ আছাদুল ইছলামে (১৫)এগৰাকী ছাত্ৰীৰ প্ৰেমত পৰিছিল ।কিন্তু ছাত্ৰজনে মাদ্ৰাছাত মোবাইল নিষিদ্ধ যদিও মোবাইল ফোনেৰে যোগাযোগ অব্যাহত ৰখাত মাদ্ৰাছাৰ শিক্ষকে জানিব পাৰে আৰু মোবাইলটো লৈ যায় । পিছত ছাত্ৰজনে নিৰূপায় হৈ আত্মহত্যা কৰাৰ সন্দেহ কৰে ।ঘটনাস্থলীত আৰক্ষী অধীক্ষক স্বপ্ননীল ডেকা , মহকুমা আৰক্ষী বিষয়া নিতুমনি দাস আৰু দণ্ডাধীশ উপস্থিত হৈছে।
মাদ্ৰাছাখনত পৰ্যাপ্ত অনুশাসন নাই বুলি উল্লেখ কৰিছে আৰক্ষী অধীক্ষকে।
ছাত্ৰজনৰ মৃতদেহটো মৰোনত্তৰ পৰীক্ষাৰ বাবে বঙাইগাঁও লৈ প্ৰেৰণ কৰিছে ।
বঙাইগাঁও ৰ পৰা ষ্টাফ ৰিপৰ্টাৰ প্ৰফুল্ল কুমাৰ দাস।